Қазақстанда дара кәсіпкер ретінде тіркелу

Егер сіз алғаш рет өзіңіздің шағын бизнесіңізді ашуға шешім қабылдасаңыз, онда біз дара кәсіпкер (ДК) ретінде тіркелу рәсімі туралы айтып береміз.

2017 жылдың 1 қаңтарынан бастап Қазақстанда ДК ретінде тіркелуді жеңілдетті, бұл тәртіп өтініш беру рәсімінен хабарлама беру рәсіміне ауыстырылды.

Жеке тұлғаларға мемлекеттік кірістер органдарына кәсіпкерлік қызметті бастағаны туралы хабарлама жіберсе болғаны. Оны мына 2 әдістің бірімен жүзеге асыруға болады:

1) электронды түрде (онлайн) – еlicense.kz «электронды лицензиялау» порталы арқылы;

2) келу арқылы – мемлекеттік кірістер органдарына өзі келу арқылы. 

Хабарлама жіберілген уақыттан бастап, бизнеспен айналысуға болады, және бұл ДК ретінде тіркелгенін растайды. Аталған қызмет түрі тегін көрсетіледі.

Онлайн тәртіпте ДК тіркеу рәсімі

Кәсіпкерлік қызметтің бастағаны туралы хабарламаны жіберу үшін elicense.kz порталында тіркелуден өту қажет.

elicense.kz порталында тіркелгеннен кейін, «Дара кәсіпкер ретінде қызметін бастау туралы хабарлама» қызметінің парақшасына өту қажет.

Аталған сілтеме elicense.kz порталындағы басты беттің оң бөлігінде танымал қызметтер тізімінде, сондай-ақ eGov.kz порталында «Бизнеске → Бизнесті тіркеу және дамыту → Бизнесті тіркеу және жою» бөлімінде орналасқан.

Қызметтің парақшасында «Қызметке онлайн тапсырыс беру» батырмасын басып, лицензиарды, яғни ДК ретінде сіз тіркеу есебінде тұратын мемлекеттік кірістер органдарын  таңдау ұсынылады.

Одан кейін, мемлекеттік кірістер органдарын  таңдағаннан кейін, ашылған парақшада өтініш жолағын толтыру қажет. Егер сіз ЭЦҚ көмегімен тіркеліп кірген болсаңыз, онда жолдардың басым бөлігі автоматты түрде толтырылатын болады.

Осы парақшаның соңғы бөлігінде «Мемлекеттік кірістер органдарынан растауды сұрату» тармағы бар, онда «Жіберу» батырмасын басып ДК ретінде тіркелу мүмкіндігінің мақұлданғаны туралы хабарламаны күту қажет. 

«Одан әрі» батырмасын басқаннан кейін, сіздің болашақ кәсіпорныңыздың реквизиттері мен параметрлерін – мекен-жайын, атауын, қызмет түрін (ОКЭД) көрсетуі қажет жолақтар ашылады. Сонымен қатар осы парақшада төменде көрсетілген салық режимдерінің бірін таңдап, көрсету қажет:  

1) патент негізіндегі арнаулы салық режимі (бұл салық режимін таңдаған жағдайда, кәсіпкерлік қызметтің басталғаны туралы хабарламамен бірге патент құнының есебі қоса ұсынылады);

2) оңайлатылған декларация негізіндегі арнаулы салық режимі;

3) тіркелген шегерім пайдаланылатын арнаулы салық режимін қамтитын арнаулы салық режимдерін;

4)    шаруа немесе фермерлік қожалықтар үшін арнаулы салық режимі;

5) жалпыға бірдей белгiленген тәртiп.

Қалыптастырылған сұрауға ЭЦҚ-мен қол қойылады, одан кейін 1 жұмыс күні ішінде ДК-ді есепке қою жүзеге асырылады.

Келу арқылы ДК ретінде тіркелу рәсімі

            Келу арқылы ДК ретінде тіркелу үшін жеке тұлғаға  Кәсіпкерлік қызметтің басталғаны туралы хабарламаны толтырып, оны салық органына жолдау қажет.

Кәсіпкерлік қызметтің басталғаны туралы хабарламада қажетті реквизиттері: мекен-жайы, атауы, қызмет түрі (ОКЭД),  төменде көрсетілген салық режимдерінің бірін таңдап, көрсетуі қажет: 

1) патент негізіндегі арнаулы салық режимі (бұл салық режимін таңдаған жағдайда, кәсіпкерлік қызметтің басталғаны туралы хабарламамен бірге патент құнының есебі қоса ұсынылады);

2) оңайлатылған декларация негізіндегі арнаулы салық режимі;

3) тіркелген шегерім пайдаланылатын арнаулы салық режимін қамтитын арнаулы салық режимдерін;

4)    шаруа немесе фермерлік қожалықтар үшін арнаулы салық режимі;

5) жалпыға бірдей белгiленген тәртiп.

ДК-ді есепке қою 1 жұмыс күні ішінде жүзеге асырылады.