Қазақстан Республикасы Салық кодексінің 708-бабымен салық салу мақсаттары үшін Арнайы экономикалық аймақтардың (АЕА) аумағында қызметті жүзеге асыру үшін жағдайлар белгіленген:

708-баптың 1-тармағы  - барлық Арнайы Экономикалық аймақтар үшін (АЭА) («Астана - Жаңа қала», «Ұлттық индустриялық мұнай-химия технопаркі», «Ақтау теңіз порты», «Оңтүстік», «Сарыарқа», «Қорғас - Шығыс қақпасы», «Павлодар», «Тараз химиялық паркі», «Астана-Технополис»);

708-баптың 2-тармағы - АЭА -ның «Инновациялық технологиялар паркі үшін»;

708-баптың 3-тармағы - «Қорғас» шекара маңы ынтымақтастығы халықаралық орталығы» АЭА үшін, сонымен бірге салықтық женілдікті қолдану нормалары, жалпыға бірдей режимде қызыметін жүзеге асыратын жеке кәсіпкерлерге де таратылады.

709-бапта АЭА аумағында жұмыс iстейтiн ұйымдардың салық салу тәртiбi айқындалады.

Бұдан басқа, «90/10», «70/30» коэффициенттері қызметтің түрлері бойынша бөлек есепке алуды енгізумен жылдық жиынтық табысқа қойылатын талап алынып тасталды; «ИТП» АЭА үшін әлеуметтік салық жеңілдіктерін қолдану мерзімін шектеу алынып тасталды, 2028 жылға дейін «ИТП» АЭА территориясынан экстерриториалдылық қағидаты кеңейтілді.

711-бап салық салу мақсаттары үшін инвестициялық басым жобаларды іске асыратын ұйымдар үшін жағдайларды анықтайды.

712-бап жаңа өндірістер құру және (немесе) қолданыстағы өндірістік объектілерді кеңейту және жаңарту үшін инвестициялық басым жобаларды іске асыратын ұйымдарды салық салу тәртібін айқындайды.

Шымкент қаласы бойынша Мемлекеттік кірістер департаменті