
Шымкент қаласы бойынша МКД қосылған құн салығының асып кетуін қайтару тәртібіне түсіндірме береді.
ҚҚС асып кетуін қайтару:
1) Салық кезеңі үшін ҚҚС бойынша декларацияда көрсетілген ҚҚС асып кету сомасын қайтару туралы талабының (бұдан әрі - талап);
2) шағым жасау (салық төлеуші шағым жасаған кезде) нәтижелерін ескере отырып, қайтаруға ұсынылған ҚҚС асып кету сомасының дұрыстығын растайтын тақырыптық тексеру актісінің;
3) Салық кодексінің 152-бабы 13-тармағында көзделген жағдайда тақырыптық тексеру актісіне қорытындының негізінде жүргізіледі.
Осы тармақтың 2), 3) тармақшаларындағы ережелер асып кетен ҚҚС қайтарудың оңайлатылған тәртібін қолдану кезінде және ҚҚС бақылау шотын пайдаланған кезде асып кеткен ҚҚС қайтаруды жүзеге асыру кезінде қолданылмайды.
ҚҚС асып кету сомасын қайтару туралы талабы, бастапқы, кезекті және (немесе) тарату ҚҚС бойынша декларацияларында көрсетілуі мүмкін.
Егер, ҚҚС төлеуші салық кезеңі үшін ҚҚС бойынша декларациясында ҚҚС асып кетуін қайтару туралы талапты көрсетпесе, мұндайда осы ҚҚС асып кетуі ҚҚС бойынша келешектегі төлемдер есебіне есепке алынады немесе талап қою мерзімі ішінде қайтаруға ұсынылуы мүмкін.
Мемлекеттік кірістер органы талапты алғаннан кейін, Салық кодексінің 212-бабы 3-тармағының 2) тармақшасында белгіленген соңғы күннің мерзімі өткеннен кейін бюджеттен қайтаруға ұсынылған ҚҚС асып кетуінің дұрыстығын растау бойынша тақырыптық тексеру (бұдан әрі – тақырыптық тексеру) тағайындайды.
Бұл ретте тақырыптық тексеру Салық кодексінің 152-бабы 2-тармағына сәйкес салық кезеңі үшін тағайындалады.
Осы ереже, салық төлеушіге қатысты асып кетен ҚҚС қайтарудың оңайлатылған тәртібін қолдану кезінде және ҚҚС бақылау шотын пайдаланған кезде ҚҚС асып кетуін қайтару туралы талабын қараған кезде қолданылмайды.
Егер, салық төлеушінің дербес шотында ҚҚС асып кету сомасының болмауы немесе Салық кодексінің 208, 209, 210 және 424-баптарында белгіленген ҚҚС бойынша салық есептілігін табыс ету мерзімі мен тәртібінің бұзылғандығы айқындалса, мемлекеттік кірістер органы салық төлеушіге ҚҚС бойынша декларациясын табыс еткен күннен бастап он жұмыс күні ішінде, талапты қараудан бас тартатындығы туралы хабарлайды.
Шымкент қаласы бойынша
Мемлекеттік кірістер
департаментінің
Жанама салықтарды әкімшілендіру
басқармасы
Анықтама үшін тел: 35-46-63