Салық қарызының жоқтығы туралы анықтаманы қалай алуға болады?

Байланыс орталығына жиі түсетін сұрақтардың бірі: салық қарызының жоқтығы туралы анықтаманы қалай алуға болады?

Бұл анықтаманы екі жолмен алуға болады:

1. Салық төлеушінің кабинеті арқылы (cabinet.salyk.kz).

• "Салықтық Өтініш" Бөлімі.

• "Салық берешегі" қойындысы (Мемлекеттік кірістер органдарында есепке алу жүргізілетін берешектің жоқ (бар) екендігі туралы мәліметтерді алуға сұрау салу).

• Өтінішті толтырып, Мемлекеттік кірістер органына жіберіңіз.

• Анықтама алу үшін "салық өтініші" бөліміне өту керек, Егер анықтама дайын болса, сүзгілерде "әрекет" жолында "ақпарат"сілтемесі пайда болады.

2. Электрондық үкімет порталында (egov.kz).

• Порталға кіріп, "Қызметке онлайн тапсырыс беру"батырмасы бойынша өтіңіз.

• Өтінімді толтыру және оған ЭЦҚ (электрондық цифрлық қолтаңба) немесе смс-пароль арқылы қол қою (мобильді азаматтар базасында тіркелу міндетті).

• Жеке кабинетте ("Қызметтерді алу тарихы" бөлімінде) өңделген анықтамамен танысу.

Қызмет көрсету мерзімі: сұрау салу түскен күннен бастап 1 жұмыс күнінен кешіктірмей.