Салық заңнамасы бойынша өзгерістер мен толықтырулар

Салық кодексінің 24-бабын 20) тармақшамен толықтыру:

«Қазақстан Республикасының Ұлттық Банкі туралы» Заңына енгізілген, қолма-қол ақшаны алуға шектеулерді көздейтін түзетулермен корреспонденциялау мақсатында 2021 жылғы 1 қаңтардан бастап екінші деңгейдегі банктердің және банк операцияларының жекелеген түрлерін жүзеге асыратын ұйымдардың белгіленген шекті шамадан тыс қолма-қол ақшаны беруден бас тартуға негіздердің бары не жоғы туралы ақпарат алу үшін мемлекеттік кірістер органдарына мәліметтер және (немесе) құжаттар ұсыну міндеттемесі қарастырылған.

Осылайша, мемлекеттік кірістер органы тәуекелдерді басқару жүйесін қолдануды ескере отырып, мынадай шешімдердің бірін қабылдайды:

төмен тәуекел деңгейінде - қолма-қол ақшаны беруден бас тартуға негіздердің болмауы;

жоғары тәуекел дәрежесінде - қолма-қол ақшаны беруден бас тартуға негіздердің болуы.

Салық кодексінің 425-бабын 1-1) тармақшасына толықтырулар

«ҚТЖ» ҰК» АҚ үшін 2020 жылдың екінші және үшінші тоқсандары үшін ҚҚС төлеу мерзімі (импортқа ҚҚС және ҚҚС жою декларациясына сәйкес есептелген ҚҚС-сыз) 2021 жылдың 25 ақпанына ауыстырылды.

Салық кодексінің 550-бабы 2-тармағының 9) тармақшасын және 553-бабының 8-тармағын алып тастау

Микроқаржы қызметін лицензиялауды енгізуге байланысты 2021 жылғы 1 қаңтардан бастап микроқаржы қызметін жүзеге асыратын ұйымдарды есептік тіркегені үшін алым жойылады.

Микроқаржы қызметін лицензиялауды енгізу микроқаржы қызметінің субъектілерін қаржы ұйымдарына жатқызуға және қаржы қызметтері мен қаржы нарығын бірыңғай заңнамалық айқындауды құруға мүмкіндік береді.

Салық кодексінің 553-бабының 4-тармағы кестесінің 4.4-жолын толықтыру

Жүктердің халықаралық автомобиль тасымалдарын жүзеге асыратын отандық компаниялардың бәсекеге қабілеттілігін арттыру және жүк көлік құралдарының паркін жаңарту мақсатында 2020 жылғы 1 шілдеден бастап 2020 жылғы 31 желтоқсанға дейін жүктердің халықаралық автомобиль тасымалдарын жүзеге асыратын ершікті тартқыштарға арналған механикалық көлік құралдарын алғашқы мемлекеттік тіркеу үшін алым төлеуден босатуды көздейді.

Салық Кодексінің 554-бабының 4-тармағы кестесінің 1.51.1, 1.52, 1.53, 1.53.1-жолдары мен 8-тармағы кестесінің 6-жолын толықтыру

2021 жылғы 1 қаңтардан бастап Қазақстан Республикасының резидент емес банктерінің филиалдары, сақтандыру (қайта сақтандыру) ұйымдары - Қазақстан Республикасының резиденті емес ұйымдары, Қазақстан Республикасының резиденті емес сақтандыру брокерлері - Қазақстан Республикасының қаржы нарығында қызметтің жекелеген түрлерімен айналысу құқығы үшін лицензиялық алым, сондай-ақ Қазақстан Республикасының резидент емес банкі филиалының, Қазақстан Республикасының резиденті емес сақтандыру (қайта сақтандыру) ұйымы филиалының, Қазақстан Республикасының резидент емес сақтандыру брокері филиалының басшы қызметкерлерін сайлауға (тағайындауға) келісім беру үшін алым көзделген.

"Салық және бюджетке төленетін басқа да міндетті төлемдер туралы" Қазақстан Республикасының Кодексін (Салық кодексі) қолданысқа енгізу туралы» Қазақстан Республикасының 2017 жылғы 25 желтоқсандағы Заңның 33-бабында жазылған Салық кодексінің 341-бабы 1-тармағының 51) тармақшасымен толықтыру

2020 жылғы 1 сәуірден бастап 2020 жылғы 1 қазанға дейін квазимемлекеттік сектордың субъектісі болып табылмайтын және теледидарлық бағдарламаларды құру және тарату және (немесе) газет, журналдар және (немесе) мерзімді басылымдар шығаруға қатысатын салық төлеуші қызметкердің кірістеріне түзету, яғни мемлекеттік емес БАҚ қызметкерлерін жеке табыс салығын төлеуден босату. Тиісінше, мұндай табыстарға әлеуметтік салық та салынбайды.

2019 жыл үшін мүлік салығы мен жер салығын төлеу бойынша міндеттемелерді қоспағанда, жеке тұлғалар үшін 2020 жылдың 1 қаңтарына дейінгі салық кезеңдері үшін құралған мүлік салығы, жер салығы және көлік салығы бойынша негізгі қарызды сомаларын төлеу шарты кезінде өсімпұлдарды есептен шығаруға салықтық рақымшылық жасау көзделген.

Салық төлеушінің 2020 жылдың 1 сәуіріндегі жағдай бойынша жеке шотында есептелген өсімпұл сомасы, сондай-ақ оны төлеген күнді қоса алғанда, оны төлеуге дейінгі осындай берешек сомасына есептелген өсімпұл сомасы есептен шығарылады. Бұл ретте өсімпұл берешек төленген салық түріне сәйкес есептен шығарылады. Салық рақымшылығын жүргізудің мерзімі - 2020 жылдың 31 желтоқсанына дейін.

Салық рақымшылығын қатысқан азаматтарға есептелген санкциялардан босатылуына мүмкіндік береді, бұл өмір сүру сапасы мен әл-ауқатын арттырады.

2020 жылдың 1 маусымынан 31 желтоқсанына дейінгі кезеңге мынадай ережелер белгіленген:

Қосымша айналым қаражатын тартпай өндірілетін өнім көлемін ұлғайту, сондай-ақ тау-кен өндірісі (көмірсутек шикізатын өндірушілерді қоспағанда), ірі салық төлеушілердің мониторингіне жататын Тізбесіне енгізілген тау-кен металлургия және металлургия кәсіпорындары үшін ақы төленетін жұмыс орындарын сақтау мақсатында мыналар қарастырылған:

- қосылған құн салығының асып кеткен сомасын 70-тен 80% дейін ұлғайту, ол 2020 жылдың бірінші, екінші және үшінші тоқсан кезеңдері үшін салықтық тексеру жүргізбей оңайлатылған тәртіппен қайтарылуы мүмкін.

- 33% аспайтын мөлшерде есептелген аванстық төлемдер сомасынан 2020 жыл үшін нақты есептелген КТС сомаларын артып кету құқығы.

Ұшақтарға қосалқы бөлшектерді (қозғалтқыштар, электр станциялары, жылу алмастырғыштар, радиометрлер, радарлар, датчиктер, корпустар) әкелуге ҚҚС-нан босату.

Әуе жолаушылар көлігі қызметімен айналысатын резидент емес салық төлеушілерді роялти, техникалық қызмет көрсету және бағдарламалық жасақтаманы жаңарту, интернет-ресурстарға қол жетімділікті қамтамасыз ететін ақпаратты ұсыну және өңдеу жөніндегі қызметтер бойынша ҚҚС босатудан босату.

Жер салығы ставкалары мен әуежай инфрақұрылымын қолдау мақсатында аэродромдар мен әуежай терминалдарында ұшу-қону жолағы алып жатқан жерлерді пайдаланғаны үшін төлемақыға «0» коэффициентін қолдану.

Қазақстан Республикасының аумағында коронавирустық инфекцияның пайда болуы мен таралуына жол бермеу бойынша төтенше жағдайдың енгізілуіне байланысты, 2019 жылғы бейрезиденттің резиденттігін растайтын құжатты ресімдеу және салық агентіне ұсыну мерзімі 2020 жылғы 31 желтоқсанға дейін ұзартылады.

Бастапқы құжаттар ретінде ЭЦҚ дәлелденген және «Электрондық құжат және ЭЦҚ туралы» Занының шарттарына сай келетін электрондық құжаттар танылуы мүмкін.

Сонымен бірге, салық төлеушілерге Қазақстан Республикасының аумағында төтенше жағдай кезеніне есептік құжаттар ретінде алғашқы құжаттардың көшірмелерін (сканерлік көшірмелер) есептеуге құқық берілді және Қазақстан Республикасының аумағында төтенше жағдай кезені біткен айдан кейінгі жеті ай ішінде алғашқы құжаттардың түпнұсқалары ретке келтірілуі тиіс. Сондай жеті айлық кезең аяқталғанға дейін сондай алғашқы құжаттардың көшірмелері төтенше жағдай болған кезендері бойынша салықтық тексерулер немесе салық кезендері үшін өзге де бақылау әдістерін жүргізу кезінде түпнұсқалар болып саналады.